تكفون لبو الطلب

[abomshary]

مين عارف قصيدة رشيد الزلامي يوم كان في الكويت اللي منها ابيات يقول فيها :

حنا سعوديين يا طاق طرباق احرار ما عشنا معيشة مذله

وأرجو اهدائها لشاعر المليون
وشكرا

[غـــ سلطان ــــلا]

بسم الله الرحمن الرحيم

اخي الكريم


السلام عليكم ورحمة الله وبركاته .........

كيفك اشاء الله بخير .......

هذا الموضوع أنزله على حسب رغبتك ......

هذي عدت قصايد لشاعر عتيبه العلم والمعروف ((((((( رشيد الزلامي )))))) وإذا تبون تسمعون مزيد من قصايد الشاعر لا يفوتكم ديوانه الصوتي (( عيون الشعر 2 )) الشريط موجود في التسجيلات الإسلاميه لأنه بدون موسيقى وهو من إنتاج شركة منارات الإسلام على العموم ما اطول نشوف القصايد ::



قصيدة شريتلي جيب ::

الله على اللي شوحتـه تقطـع الـدار



يوصل غريب الـدار ديـرة ربوعـه


أبيـه والله ميـر مغليـن الاسـعـار



والبنـك ماادلـه ولااعـرف فروعـه


وذي حالـة الدنيـا لهـا ادوار وادوار



يومـن تواصلنـا ويومـن قطـوعـه


وكـل البشـر فيهـم فقـارا وتجـار



ونفوس تتحمـل والاخـرى جزوعـه


وحتى بنـوك النقـد تعجـز وتنهـار



ماهوب انا عجزي بعـاد(ن) رموعـه


بس المهـم ودون توضيـح الاسـرار



وضعي ووضع الجيب شكلـه ونوعـه


شريت لي جيب(ن)عسى ابـوه للنـار



بانـت عذاريبـه مـن اول اسبوعـه


مزعج مع الصحراء ومزعج مع القار



ومـن يركبـه لازم يسكـر سموعـه


مثل الشبـح ماينقصـه غيـر طيـار



شكلـه وتصميمـه وممشـاه روعـه


من خف دمـه مابقـى فيـه مسمـار



ولايركبـون عيـال الانـذال نوعـه


مايركبـون الا سـفـاري وفكـسـار



آخر زمان(ن) جعـل بقعـا تصوعـه


خـلا رجـال المرجلـه مالهـم كـار



الذيـخ لـو يبكـي مسحنـا دموعـه


الذيـخ يشبـع فالفضايـل والاسـوار



والذيـب مايـدرى بفقـره وجوعـه


وقت(ن) يخلي صاحي الفكـر يحتـار



ويشوف من هـول الدهـر مايروعـه


تلقى الفقير وفزعتـه خمسـة انفـار



وتلقى الغني كـل الجماعـه فزوعـه


ياعاشـق الدنيـا تـرى مالهـا جـار



كما واحد(ن) في حبها طـار شوعـه


اليوم تضحـك لـه وتعطيـه الانـذار



وبكـره تلحويهـا محانـي ضلوعـه


خلك علـى صكـات الايـام صبـار



ويـوم(ن) يفوتـك لاتمنـى رجوعـه


اقفى على مافيه مـن خيـر واشـرار



نجم(ن) هوى مايندرى عـن طلوعـه


وماهي علـى كيفـك تمنـى وتختـار



ابعد على المخلوق مـن حـب كوعـه


يخبرك من ذاق المتاعـب والامـرار



وحـاول ولاجالـه زمانـه بطوعـه


ومرت به الدنيا على بعـض الاقطـار



في رحلة(ن) ماغيرت مـن طبوعـه


والله ماواطـن عيشـة الـذل والعـار



مـادام لـي شيمـه ونفـس قنوعـه


وقرش(ن) عزيز افضل من الفين دينار



من مصدر(ن) للذل يعلـن خضوعـه


ولو الوساده من صلافيـح الاحجـار



للراس اخير مـن التـرف والميوعـه








قصيدة وادي العقيقي






البـارحـه يــوم الثـريـا تـويـق




ييـوم كـلٍ فـي لذيـذ الكـرى راق



وقفت ليـن الشـوف جالـه بريـقـ



مثل السراب اللي علـى البعـد لهـاق



أخيـل بـرق صـوب واد العقـيـق



يماشفت مثلـه يفضـح الليـل بـراق



عـسـاه يسـقـي دار ذاك الفـريـق



يلو رغبتي ما عـاد بـاقٍ لهـا بـاق



وذيـك الديـر مانـي عليهـا شفيـق



يتطيب منها النفس وتضيـق الاخـلاق



قزرت عمـري فـي بحرهـا غريـق



يمتحمـل ٍ كـل المتاعـب والارهـاق



لين انكشف وجـه العـدو والصديـق



يوالرفقه اللي حبلهـا رمـث ودقـاق



ولا كلفـت نفـسٍ بـمـا لا تطـيـق



يتبينت لـي كنهـا شمـس الإشـراق



وانا ليـا شفـت الجفـا مـن رفيـق



يوصار الامل حبر ٍ على بيض الاوراق



قابلـت غلطـاتـه بـوجـهٍ طلـيـق



يونظرت له نظـرة محـب ٍ ومشتـاق



أعطيـه حتـى مـن منامـه يفـيـق



يلا كلمته سمّعت ولا خاطـرٍ ضـاق



حتـى يعـرف انـي رفيـقٍ حقيـق



يوليا انحرف ماهو على بـاب الارزاق



يروح في دربـه وانـا فـي طريـق



يمن خلقت الدنيا بهـا جمـع وافـراق



علـي بيبـان الفـرج مـا تضـيـق



يأسوقهـا فـي كـل ديـره وتنسـاق



وابعد عـن اللـي رفقتـه مـا تليـق



يماني علـى جنبـه معلّـق بمعـلاق



ياكثر مالي فـي الديـر مـن صديـق



يلا بارت العملـه وشحّـن الاسـواق



صداقـةٍ تبـنـا بـسـاس ٍ وثـيـق



لا عقربٍ تلـدغ ولا مـوس حـلاق


.................................................. ..

قصيدة الكويت ::




إلتحق الشاعر رشيد الزلامي بالجيش الكويتي وفي يـوم مـن الأيـام كـان



هو مع عدد من زملائه في ساعات العمل وكان رشيد الزلامي علـى مكتبـه


ويتصفح مجلة على غلافها صورة الملك فهد بن عبدالعزيز عندما كان أميراً


وكان زميله الكويتي ينتظر أن ينتهي رشيد الزلامي من تصفح المجلة ليقرأها


وأطـال رشيـد تمعنـه لصـورة الأمـيـر فـهـد بــن عبدالعـزيـز


و قال له زميله باللهجـة العاميـة ( ماشبعـت مـن شـو فتـك لمعزبـك)


فغضب رشيد الزلامي وأدخل المجلة بـدرج الطاولـة وقـال بـرد قاسـي


مـافـيـه مـجـلـة ، فـقــال زمـيـلـه هــــذه الابــيــات


............................................


حنا بدارٍ مددلهة صدر من ضـاق


بلّـغ سلامـي للزلامـي و قلّـه


ياعابد الصورة على بيض الأوراق


دارك عرفناهـا وعلتـك عـلـه


إن كان حبه محرق ٍ قلبك إحراق


شد الرحـال ودرب عمـك تدلـه




فــــرد عـلـيــه رشــيـــد الــزلامـــي قــايـــلا




أنتم بدار مدلهـة صـدر مـن ضـاق


وانـا تخيّـل صورتـه مخلـص ٍلـه


ماتعرفـونـه يارديـيـن الأخــلاق


هذا فهـد ذخـر الفهـد فـي محلـه


اللـي لياشطـت و يبسـن الأريــاق


وأنته و انـا و معزبـك تحـت ظلـه


واهل الحسد ماهم على بـاب الأرزاق


رزقـي علـى كـوّن الكـون كـلـه


وحنّا سعودييـن ياشـرس الا خـلاق


أحـرار ماعشنـا بعيـشـة مـذلـه


رجالنا لو هـو علـى مكسـر السـاق


حب الكرامـه والـو فـا عـادة ٍ لـه



قصيدة يا هن ابن هن


ياهـن ابـن هـن مــاوالله ارداك


ومااردى نصيب اللي يسوي سواتـك


ومااردى نصيب اللي من البعد ينصاك


يبا العشا ويشوف بعـض احركاتـك


تحلق الشـارب مـن الديـن يـاذاك


ودك تخـدع المومنيـن بصـلاتـك


لكـن وش تكسـب بدينـك ودنيـاك


لا صار ترك الواجبه مـن صفاتـك


لا صار ضيـف الله تلقيـه علبـاك


باقي علومـك خشهـا فـي عباتـك


الجـود مافقّـرك والبخـل مااغنـاك


ولا تحسب انك مت من موت شاتـك


الخاتمه مـن يـوم هـاذي سوايـاك


بالله لا تعـطـي عتـابـه بنـاتـك


تكثر بنا الرديـان مثلـك وشـرواك


وتـروح تشمتنـا الرجـال بشماتـك




قصيدة عز نفسي غناتي




البارحه والنـاس غافيـن وهجـوع




جتنـي هجوسـي ورداً سارياتـي



والليل طال وخط الارسال مقطـوع


ياليل ياطولك متـى الصبـح ياتـي


قزرت ساعاتك على ثومـة الكـوع


مالـي نديـم الا الثـلاث الخواتـي


صفر الدلال اللي بها الهيل مشموع


باشكـال وارناقـا معـه لايقاتـي


واصبحت من كثر الهواجيس مفجوع


وافكـار قلبـي شـرداً سارحاتـي


ياسائلاً تسأل ترى الصوت مسموع


وما نشر بالصفحـه قريتـه بذاتـي


سويت لي مشروع من غير مشروع


والزمتنـي بالـرد دون شهـواتـي


اكيد عندك يا فتى الجود موضـوع


والا مسوي بـك زمانـك سواتـي


مسقيك من علقات الايـام قرطـوع


وتسمع صراعي فيـه ومغامراتـي


فان كان هذا الامر بالشكل والنـوع


خـل الامـر لمكـون الكاينـاتـي


ساير زمانك كان لك قلب وضلـوع


وارج الفـرج بايامـك المقبلاتـي


وان كان ما طاعتك خلك لها طـوع


ما انته بضاربهـا برمـح الزناتـي


اما سوالـك مـا جوابـه بممنـوع


ولو للحيـاه اسرارهـا الخافياتـي


اجاوبك لو ما معي منـك منفـوع


تحب تعرف كيـف قصـة حياتـي


حياة ذيباً عايـش الفقـر والجـوع


ليلـه يبـات وليلـة مـا يبـاتـي


اعيش عيشة ذيب والراس مرفـوع


وان قلّ مالي عـزّ نفسـي غناتـي



اتماني اني اكون قد وفيت وكفيت اخوي الكريم


][®][^][®][
حبية سبيع عشان خاطر عيونة ][®][^][®][

[abomshary]

مشكوره وما قصرتي يا ( حبيبة سبيع عشان خاطر عيونه ) وافيه وكافيه وبيض الله وجهك.

[محمد الجيعان]

مشكورين على تعاونكم الجميل

[غـــ سلطان ــــلا]

هذا اقل شي نسوية اخوي
وكم عندنا ابو مشاري

اخوي محمد لاهنت اخوي على المرور

[هيام]

http://www.up7up.com/pics/i/20/1185227281.gif

اشكركـ اختي :: حبية سبيع ::

جهد تشكري عليه ,,

الى الامام ابومشاري ,,,

لكـم مني اجمل تحية ,,,

http://www.up7up.com/pics/i/20/1185227281.gif


دمتم بحــفــــ(اللــــــــه)ـــظ

[بومحمد النشمي]

مجهود متميز من متميزه