انواع التماسيح !!!! اي من هؤلاء انتــ !!!!

[هيام]

http://www.up7up.com/pics/i/20/1185244006.gif


http://www.up7up.com/pics/i/20/1185227281.gif

:::صباحكم // مساءكم ورد :::

النوع الأول :

هاذا النوع اللي مسوي مهم جدا ومشغوووول , ومايعطي البنات وجه

( بيزنس مان)

من اهم مميزاته ,,,ماسك جوال كشخه (صارقه من خويه )

مسكب الشماغ,,,,والثوب و قلم ذهبي بجيبه يقالك مصبوغ بالذهب ,,,نظارات حتى لو هو ليل

مكتوب عليه ارماني والمشكله لو شفنا النظاره وش مكتوب عليها من جوا لقينا (made in china) .

http://www.up7up.com/pics/i/20/1185227281.gif


النوع الثاني :

مسوي wo0ow i`m the best يعني اني كشخه , واحلى واحد والبنات

يتسدحون عنده.

اهم مميزاته ,,,ملابسه كاجوال ( جينز و تي شيرت غالبا ما يكون تي شيرته اصفر

عشان لفت نظر ),,شوز اصفر عشان يقالك انيق ويعرف يلبس,,اسوارة صفرا ,,

كاب اصفر

( عاد لون الكاب والاسوارة والشوز يجي على حسب لون تي شيرته )


http://www.up7up.com/pics/i/20/1185227281.gif

النوع الثالث:

الطعس << غني عن التعريف اتوقع!!

اهم مميزاته,, ثوب قصير ,,زبيريه قديمه متقطعه من الجوانب وطالعه خيوطها,,

يشحط بنعاله على اساس ( انتبهوا لي تراني امشي من عندكم لا اصقعكم ),,

شماغ مدري شلون حاطه على راسه كنه عمامة سواق باصنا الصومالي ,,

كل شوي يحك راسه (مقمل) ,,لونه اشهب (حتى لو هو ابيض),,

غالبا ما يكون اسمر اصلا من كثر طلعاته للبر .

http://www.up7up.com/pics/i/20/1185227281.gif

النوع الرابع:

المهايطي

اهم مميزاته,,ثوبه منشق من تحت ,,زبيريه,,شماغه على كتفه ,,الطاقيه مايله على جنب,,

فوقها عقال مايل عكس جهة الطاقية,,خده فيه خط سكين ( يعني اني قوي واطاق خلق الله )

,,يشد ظهره الين شوي وتقول بيطيح على ورا ,,,

وخشمه بالضبط بالضبط مسوي زاويه 90 درجه من كثر ما هو رافعن راسه,,,

http://www.up7up.com/pics/i/20/1185227281.gif

النوع الخامس:

الخكري

اهم مميزاته,,,كل يوم يروح للحلاق ويخليه يسويله تنظيف بشره ,,,

يشيل لحيته(ان كان فيه لحيه اصلا) بالفتله,,, يعني الخيط,,,

يلبس جينز ضيـــــــــــــــــــــــق,,تي شيرت بينك او ليموني او موف فاتح عليه رسمة

تويتي واحيانا sponge bob,,

يمشي رجلينه مقلوبه على جوا يعني زي مشية الموديل وتحس مافيه شي يتحرك فيه غير خصله

شعره اللي كل شوي يرجعها ورا اذنه,,, ودايما حران ويتافف,,,وماسك جواله ويدق على امه

كل شوي يقول :: مامي متى بترسلين لي السواق خلاس مرره مرره تعبت

من المشي اوف.

http://www.up7up.com/pics/i/20/1185227281.gif


النوع السادس:

اللي توه متزوج وطالع يودي زوجته << هاذا اللي يبيله وقفه

اهم مميزاته,,,ماسكه فيه زوجته اربع وستين ساعه بالدقيقه كل 12 ثانيه

( عاد انتوا فكوها هاذي),,

تلاقونه يطالع في البنات ويقول يا حسره على هاللي جمبي,,,

زوجته كل شوي تنغزه بجمبه والا ترفسه برجلها لانه كان يطالع بوحده عجبته

(( عاد ما يقهرك الا هالنوعيه يعني احترم نفسك طالع مع زوجتك

وتطالع في البنات بعدين اصلا وش جايبك السوق والا عشان التقزقز بس)),,,

تلقاه لابسن قميص بيت والا ترنق ان كثر .

http://www.up7up.com/pics/i/20/1185227281.gif



النوع السابع:

العصبي

اهم مميزاته ,,يمشي ماسك معه خيزرانه,,,معه اخوانه الصغار,,,يصارخ على خلق الله,,

كل شوي يمعط شعر اخته الصغيره عشانها قالت ليش معصب,,امه تمشي تدعي عليه,,

ماسك مسواك ( موب عشان سنه لا, عشان اذا احد ضايقه يسوي نفسه يتف المسواك

وهو يتف عليه),,,

اذا ركب بالسياره يطاق خلق الله بعد ,,, اذا صقط عليه احد ما يفكه الين يكسر صدامه

( غالبا هالنوع تكون سيارته ونيت والا يوكن واحيانا كابريس يركب لها صدام حق الدوريات)

http://www.up7up.com/pics/i/20/1185227281.gif


النوع الثامن:


البخيل

اهم مميزاته,,,ياخذ خواته وامه للمطعم يقالك بيعشيهم ويوريهم المنيو ويطلعون,,

اذا راحوا للسوق تقوله اخته الصغيره ابي حلاو يقول لا لا يظر باسنانك

( يقالك خايف عليها )

اذا شاف اخته تكلم صديقتها بالتلفون لان عندها اختبار بكره قام يصارخ ومعد يمسكـ نفسه

يروح موب يفصل السلك والا يسكر السماعه لا من الخوف يمسك السلك ويقطعه باسنانه

بعدين يكتشف انه لازم يشتري سلك جديد فينجلط ويموت,,,

اذا جاه واحد وقاله انا مسافر وابي اقعد عندك ليله طبعا تعرفون اش بيسوي >> :D

http://www.up7up.com/pics/i/20/1185227281.gif

النوع التاسع :

المغزلجي غني عن التعريفــــ !!!!!

اهم مميزاته,,,,معه اربع او ست جوالات,,,كل جوال مكتوب عليه من ورا هذا من فيه,,,

اذا دقت عليه وحده من البنات ما يطلع رقمها والا اسمها يطلع (فلانه,العمر,المدينه,كيف عرفها)

يتصل بك,,اذا جو اهله بيطلعون يمسك خواته وحده وحده يشوف كيف متغطين؟

وش لابسين تحت العبايه؟حاطين كحل والا لأ؟:confused:

http://www.up7up.com/pics/i/20/1185227281.gif

النوع العاشر والاخير:

المطوع<< يسلم لي هالنوع احبووووه ,,,

اهم مميزاته ,,,العصر دايما بحلقه التحفيظ,,,آخر الاسبوع يطلع مع اخوياه مخيمات دعويه,,

كل جمعه بعد الصلاه يودي اهله للبر ,,, يوقفهم عند المسجد وينتظر الين يدخلون عشان يتطمن

عليهم ,,, يعطي امه او اخته نسخه من مفتاح السياره عشان اذا تاخر بالمسجد تفتح الباب

وتدخل ما تقعد بالشارع منلطعه تستناه,,,,

اذا كانوا بالبيت وجت اخته جمبه يبتسم لها ويقولها تعالي اجلسي سولفي معي,,,

اذا كان جالس على النت يناديها معه ,,,

اذا نجحت اخته او اخوه بالمدرسه يعطيه هدية فلوس ( :D احلى شي)

ومعها حبة راس و دعاء.

وطبعا آآآخر نوع هو احسن نوع يا ريت كل الشباب يصيرون مثله كان الدنيا صارت بخيـررررر


كل تمساح يعترفــ اي نوع من هؤلاء هو !!! :D


http://www.up7up.com/pics/i/20/1185227281.gif




دمتمــ بحــفــــ(اللــــــــه)ـــظ

[مجنون بشعر الفراعنه]

ههههههههههههههههههههههههه
فيه انواع ناقصه ما ذكرتيها
وتسلمي على الموضوع
قريبا انواع السحالي

[فتى غامد]

هياموه .... لاتدسين السم في العسل تبين تطلعين عيوبنا وتقولين اختاروا اي نوع ؟

احذرك من تجاوز الخطوط الحمراء والا سوف نعلنها حرب شعواء لاتبقي ولاتذر؟

:mad::mad::mad::mad::mad::mad::mad::mad::mad::mad: :mad::mad::mad::mad::mad:

[عـا الفــراعنهــ ـشــقــ]

فتى غامد هاذا الموضوع لضحك مو العصيبه انت من النوع الى



النوع السابع:

العصبي

اهم مميزاته ,,يمشي ماسك معه خيزرانه,,,معه اخوانه الصغار,,,يصارخ على خلق الله,,

كل شوي يمعط شعر اخته الصغيره عشانها قالت ليش معصب,,امه تمشي تدعي عليه,,

ماسك مسواك ( موب عشان سنه لا, عشان اذا احد ضايقه يسوي نفسه يتف المسواك

وهو يتف عليه),,,

اذا ركب بالسياره يطاق خلق الله بعد ,,, اذا صقط عليه احد ما يفكه الين يكسر صدامه

( غالبا هالنوع تكون سيارته ونيت والا يوكن واحيانا كابريس يركب لها صدام حق الدوريات)
هع هع هع

تسلمين على الموضوع

[غـــ سلطان ــــلا]

روائعه هيوم ...............

عليك فيهم

ولا توقفين طلق نار

ابد ابدا


ههههههههههه

[عـا الفــراعنهــ ـشــقــ]

وش طلق نار وش أبدا

في مركز شرطه حنا

بعدين اول مره اشوف تمساح مهايطي